Todos os 15 de novembro celebramos o Día da Ciencia, pero esta é a primeira vez que a Xen Z está aí argallando con nós. Eles foron os que tomaron as rendas da actividade e que ben o fixeron!
Cibrán e Claudia foron os conductores do evento, e o resto da Xen Z actuaron como ilustre xurado. Pero a cousa non queda aí, toda a organización, e o deseño das preguntas tamén correu da súa conta.
Catro equipos, un de cada curso da ESO, preparados para competir nun concurso con tres seccións: preguntas de cultura científica, cuestións de verdadeiro ou falso, e a proba definitiva, onde os concursantes debían adiviñar os usos dos obxectos que se lles presentaban.
Con eles repasamos quen era Mendel, que significa ADN ou cal é o óso máis longo do corpo.
As dúas primeiras roldas foron practicamente de precalentamento, pero o combate final, coa descrición dos obxectos fixo que 3º de ESO se proclamase vencedor do Concurso científico Xen Zienzia.
Ademáis dúas das nosas voluntarias: Lucía S. e Alejandra, de 2º de ESO, fixeron un photocall para a entrada. Non pode ser máis chulo!
Biblioteca Safo 